Íslenskar popp- og rappstjörnur

Íslenskar popp- og rappstjörnur hita upp fyrir Airwaves

Aron Can, Glow, Jói Pé X KRÓLI og Vök koma fram á KEX 7. Október

Iceland Airwaves er rétt handan við hornið og stendur hátíðin yfir dagana 1.-5. nóvember næstkomandi. Á þriðja hundrað hljómsveitir og tónlistarfólk af öllum stærðum og gerðum koma fram á hátíðinni í ár.

KEX Hostel og Sæmundur í sparifötunum í samvinnu við KEXP í Seattle, Iceland Airwaves, Iceland Naturally og fleiri mun halda úti þéttri dagskrá alla hátíðina og verður stærstur hluti hennar sendur út í beinni. Hátt í þrjátíu hljómsveitir og tónlistarfólk koma fram á Kex Hostel í ár og verður dagskráin kynnt í næstu viku.

Laugardagskvöldið 7. október mun Kex Hostel hita upp fyrir Iceland Airwaves á tónleikum með Aron Can, Glowie, JóaPé X KRÓLA og Vök og hefjast tónleikar klukkan 19:00.