Áramótaheit

Lofar maður ekki öllu fögru á áramótunum. Ég held ég geti lofað lesendum Icelandic Times / Land og sögu að það verður eldgos á Íslandi á þessu ári. Hvar? Mestar líkur eru á gosi við Keili og Fagradalsfjall á Reykjanesi, þar hefur verið skjálftahryna síðan fyrir jól. kvika að reyna að brjóta sér leið upp á yfirborðið. Síðan er auðvitað Katla komin á tíma, það stóra eldfjall í Mýrdalsjökli. Katla gaus síðast mjög stóru gosi árið 1918. Hekla, getur auðvitað gosið líka. En Hekla hefur gosið átta sinnum á síðustu 200 árum, síðast árið 2000. Síðan eru Grímsvötn og Bárðarbunga í Vatnajökli vöktuð, en Bárðarbunga, næst hæsta fjall landsins er eitt af hættulegustu, kröftugustu eldfjöllum Íslands.