Björt borgin sefur

Það er svo yndislegt að rölta um miðbæ Reykjavíkur um miðnætti, þegar borgin sofnuð. Það er bjart, og stöku sinnum er kyrrðin rofin af fuglasöng, eða faratæki í fjarska. Icelandic Times / Land og Saga fór á stúfana í nótt, til að fanga þessa stemningu sem er engri lík, á bjartri sumarnótt.

Tveir þriðju íbúa Íslands búa á Stór-Reykjavíkursvæðinu eða 232.280 manns. Stærsta þéttbýlissvæði utan höfuðborgarinnar, er Keflavík – Njarðvík, og Akureyrarsvæðið á norðurlandi er í þriðja sæti bæði með um 20.000 íbúa.

Klukkan 23:26, horft upp Skólavörðustíginn að Hallgrímskirkju. Veitingastaðurinn Krua Thai er á gatnamótunum á vinstri hönd.

 

Klukkan 23:31, horft niður og vestur Laugavegi að Bankastræti og Kvosinni

Klukkan 00:10 garður með listaverki á Bjargarstíg

Klukkan 00:03 fallegt hús við Bergstaðastræti rétt um miðnætti

 

Klukkan 00:28 upplýstur kamar í Hljómskálagarðinum, einn af örfáum slíkum í höfuðborginni

Reykjavík 27-28/06/2022 : 23:26 – 00:28 : A7RIV : FE 1.2/50mm GM

Ljósmyndir & texti : Páll Stefánsson