Frábært hjá Icelandair
Í dag mun Icelandair hefja áætlunarflug frá Reykjavík til tveggja nýrra áfangastaða, á Fagurhólsmýri og Kópasker, með Boeing 757-200 sem tekur 189 farþega. Talsmaður Icelandair, Kári Pálsson sagði að þessir áfangastaðir hefðu verið valdir eftir ítarlega þarfagreiningu. Flugvöllurinn á Fagurhólsmýri er í næsta nágreni við Jökulsárlón, Vatnajökul, Vestrahorn og Skaftafell, allt staði sem eru með vinsælli ferðamannastöðum á Íslandi. Kópasker er valið vegna nálægðar við kraftmesta foss evrópu, Dettifoss, Ásbyrgi, kirjuna á Skinnastað og Hraunhafnartanga nyrsta stað Íslands, og sá eini sem liggur norður fyrir heimskautsbaug, og auðvitað Mývatn. Allt frábærir staðir til að skoða. Flogið verður sex sinnum í viku á báða áfangastaðina, alla daga nema laugardaga. Byrjað verður að selja miða í dag fyrsta apríl, og munu þessir nýju áfangastaðir verða á sérstöku tilboði í dag, önnur leiðin kostar 25 USD, og báðar leiðir 40 USD. Bílaleiga, eingöngu með rafmagnsbíla opnar í dag á báðum flugvöllunum.
Reykjavík 01/04/2022 : 10:01 : A7R IV : FE 1.8/135mm GM
Ljósmyndir og texti : Páll Stefánsson
