Háabakki í Hafnarfirði. 

Hafrannsóknastofnun er ein mikilvægasta stofnun Íslands. Ekki bara er þetta lang stærsta rannsóknarstofnun landsins á sviði hafs- og vatnarannsókna, heldur gegnir hún einnig mikilvægu ráðgjafarhlutverki varðandi skynsamlega nýtingu á auðlindum hafs og vatna. Stór hluti starfseminnar tengist alþjóðlegu samstarfi við erlendar systurstofnanir og háskóla. Hjá Hafrannsóknastofnun sem er með höfuðstöðvar í Hafnarfirði, starfa um tvö hundruð manns, þar og á ýmsum starfstöðvum hringinn í kringum landið, auk áhafnar á tveimur rannsóknaskipum sem stofnunin notar til rannsókna á hafsvæðinu hringinn í kringum Ísland.

Rannsóknarskipin Árni Friðriksson og Bjarni Sæmundsson bundin við Háabakka í Hafnarfjarðarhöfn. Bak við er aðalskrifstofur Hafrannsóknarstofnunnar, í stærsta timburhúsi landsins, 4.100 fermetrar að stærð. Það hýsir stofnunina auk Sjávarútvegsskóla Þróunnarsamvinnumiðstöðvar UNESCO á Íslandi.

Hafnarfjörður 20/11/2021 09:11 – A7C : FE 2.5/40mm G

Ljósmynd og texti : Páll Stefánsson