Örfáir miðar eftir í forsölu á heimasíðu Kexlands
Söngvarann og lagahöfundinn Högna Egilsson þekkja langflestir Íslendingar sem eitthvað hafa hlustað eða grúskað í tónlist. Högni er með einkennandi söngstíl og hefur hann verið fastur meðlimur í GusGus á síðustu tveim breiðskífum tónlistarflokksins, þ.e. Mexico og Arabian Horse. Þekktastur er Högni sem söngvari, gítarleikari og einn aðallagahöfundur hljómsveitarinnar Hjaltalín sem sent hefur frá sér þrjár framúrskarandi breiðskífur.
Högni hefur einnig samið tónlist fyrir sjónvarp, kvikmyndir og leikhús og hefur undanfarið unnið hörðum höndum að sinni fyrstu sólóskífu sem m.a. inniheldur karlakór, strengjasveit og sýrubassalínur.
Á tónleikunum í Gym & Tonic kemur Högni fram einn síns liðs og má búast við mikilli nálægð tónleikagesta við þenna frábæra tónlistarmann.
Sala miða hefur farið fram á Kexland.is og eru örfáir miðar eftir í forsölu.
Miðaverð er 2000 krónur og þarf fólk að bregðast fljótt við ef það á að nálgast miða í tæka tíð.
Slóð á miðasölu: https://kexland.is/concerts/hogni-egilsson/
Tónleikarnir eru liður af KEXMas 2015 sem er jóladagskrá KEX Hostel og KEXLands og má sjá dagskrána í heild sinni hér:
https://kexland.is/kexcalendar/kexmas2015/
Bestu kveðjur / Kind Regards
Benedikt Reynisson
Events / Social Media / Press
Kex Hostel / Kexland / Hverfisgata 12 / DILL / Mikkeller & Friends RVK
https://www.kexhostel.is
https://www.kexland.is
https://www.hverfisgata12.is
https://www.dillrestaurant.is
https://mikkeller.dk/mikkeller-friends-reykjavik/
Phone +354 561 6060
Mob. + 354 822 2825
