Jörðin hans Vífils

Jörðin hans Vífils

Árið 874 fundu Vífill og Karli, þrælar fyrsta landnámsmannsins Ingólfs Arnarsonar, öndvegissúlur hans, í vík undir Arnarhóli í Reykjavík. Þar settist Ingólfur að, ásamt eiginkonu sinni Hallgerði Fróðadóttir. Þrællinn Karli hljópst á brott ásamt ambátt, og fundust þau síðar á Reykjum í Ölfusi. Vífill hlaut frelsi, og byggði sér bú á Vífilsstöðum, sunnan Reykjavíkur. 

Árið 1910 er byggður á jörðinni spítali fyrir berklasjúklinga, sá fyrsti á landinu, sem Rögnvaldur Ólafsson teiknaði. Þá voru Vífilstaðir langt frá byggð. Nú er rekið öldrunarsjúkrahús á Vífilsstöðum, sem liggur nú, ekki langt frá miðju höfuðborgarsvæðins, örstutt frá IKEA, miðbæ Garðabæjar og útivistarsvæðunum við Vífilstaðavatn og Heiðmörk. 

Vífilsstaðir, byggðir 1910, þar er nú rekin öldrunarþjónusta
Horft yfir Vífilsstaðavatn, í vestur í átt að Hafnarfirði og Garðabæ, það er rétt hægt að greina rautt þakið á Vífilsstöðum í miðjum trjálundi, rétt hægra megin við miðju á myndinni
Útsýnið frá Vífilsstöðum, nýja hverfið í Garðabæ, Urriðaholt sést milli trjánna
Vífilsstaðavatn er steinsnar frá spítalanum, góð 2,6 km göngu- hlaupaleið er umhverfis vatnið
Mikið fuglalíf er við Vífilsstaðavatn, og í trjálundunum við sjúkrahúsið

Garðabær 19/09/2022 : A7R IV – FE 1.2/50mm GM

Ljósmyndir & texti : Páll Stefánsson