Lífið í þorpinu
Það verður ýmislegt um að vera á Árbæjarsafni í sumar og næstkomandi sunnudag býðst gestum að
njóta þess að upplifa ferðalag aftur í tímann. Að þessu sinni verður áherslan lögð á lífið í þorpinu.
Gestir fá að kíkja í heimsókn og það er víst að heimilisfólkið mun ekki sitja auðum höndum. Gestir
geta kíkt í prentsmiðjuna og fengið að spreyta sig á því að prenta auk þess að gæða sér á lummum í
Hábæ. Í Nýlendu situr spákona og býður gestum og gangandi í stutt spjall. Hver veit hvað framtíðin
ber í skauti sér? Starfsfólk klæðist fatnaði sem tíðkaðist á 19. öld og húsfreyjan í Árbæ býður upp á
nýbakaðar lummur og á baðstofuloftinu situr kona við tóskap. Í haga eru hestar kindur og lömb.


Að vanda verður heitt á könnunni í Dillonshúsi.