Ásta Fanney

Ásta Fanney: ​​Munnhola, obol ombra houp-là (a series of performances) – frumsýning

15.10.2021

20:00

@ Bíó Paradís

Munnhola, obol ombra houp-là (a series of performances) eftir listakonuna og skáldið Ástu Fanney Sigurðardóttur (f. 1987) er safn gjörninga þar sem hljóð, ljóð, hljóðaljóð, tónar, stafir, orð og orðlausar senur mynda saman súrrealískan draumheim skynjunar. Í verkinu er röddin rannsökuð sem einstakur miðill og virkar sem þráður í gegnum ferðalag af táknum, stöfum og tengingu mannsins við náttúru, tungumál, tækni, leiki og dægurmenningu. Verkið er frumsýnt á Sequences X: Kominn tími til.

Ásta Fanney Sigurðardóttir (f. 1987) er listakona og skáld. Hún vinnur meðal annars með tóna, hljóð og orð í verkum sínum, ásamt gjörningum. Verk hennar hverfast oft um hið óvænta og fáránlega þar sem mörk ólíkra miðla mást út. Árið 2018 sýndi hún gjörningaverkið Lunar-10.13 & Gáta Nórensu á Listahátíð í Reykjavík, þar sem ljóð, tónlist, innsetningar og gjörningar runnu saman í eitt. Meðal verka hennar er þorskaópera, raulkórverk, hljóðaljóðakórverk og sérhljóðatónverk. Nýjasta bók hennar nefnist Gluggi – draumskrá sem er skrásetning á draumum. Ásta hefur flutt tónverk sín, ljóð og gjörninga á ýmsum hátíðum og sýningum bæði hérlendis og erlendis. Hún var handhafi Ljóðstafs Jóns úr Vör árið 2017 og var tilnefnd til Bernard Heidsieck-verðlaunanna í Pompidou árið 2021.

Sjá hér eldri grein um Ástu Fanney

Related Articles

    Þjóðminjasafn Íslands – Keldur

    Þjóðminjasafn Íslands – Keldur

    Keldur á Rangárvöllum eru einstakur sögustaður og einn af merkustu minjastöðum á Íslands og má ætla að þar hafi orðið by...

    D33 Tónn: Leiðsögn listamanns í Hafnarhúsi

    D33 Tónn: Leiðsögn listamanns í Hafnarhúsi

    D33 Tónn: Leiðsögn listamanns Fimmtudag 12. apríl kl. 20.00 í Hafnarhúsi Anna Fríða Jónsdóttir verður með leiðsögn um ...

    LEIÐIR – JORIS RADEMAKER

    LEIÐIR – JORIS RADEMAKER

    LEIÐIR - JORIS RADEMAKER Sýningin opnar 6.mars kl. 14.00 Lifandi tónlist við opnun. Myndlistarmaðurinn Joris Ra...

    Þórarinn B. Þorláksson

    Þórarinn B. Þorláksson

    Þórarinn Benedikt Þorláksson (14. febrúar 1867 – 10. júlí 1924 var íslenskur listmálari og fyrstur Íslendinga til að nem...


Bíó Paradís - Hverfisgata 52 101 Reykjavík

sequences.is/is/exhibitions/asta-fanney/


20:00 15. október


CATEGORIES




NEARBY SERVICES

  • Best of Iceland

    Best of Iceland