• Íslenska

Hádegistónleikar í Hafnarborg – Elmar Gilbertsson

Hádegistónleikar í Hafnarborg – Elmar Gilbertsson
Þriðjudag 12. febrúar kl. 12

Þriðjudaginn 12. febrúar kl. 12 mun Elmar Gilbertsson, tenór, koma fram á hádegistónleikum í Hafnarborg ásamt Antoníu Hevesi. Á tónleikunum syngur Elmar aríur eftir Verdi, Donizetti og Lehár.

Elmar Gilbertsson nam söng við Söngskóla Sigurðar Demetz og Konunglega tónlistarháskólann í Den Haag í Hollandi, þar sem Jón Þorsteinsson var hans aðalkennari. Elmar hefur starfað vítt og breitt um Evrópu síðastliðin ár, m.a. við Hollensku ríkisóperuna, Opera Zuid í Maastricht, La Monnaie de Munt í Brussel, Opera de Nantes og Opera de Toulon í Frakklandi, Ruhrtrienalle-óperuhátíðina í Ruhrhéraði í Þýskalandi, auk þess að hafa komið fram með Útvarpshljómsveit Norður-Þýskalands í Elbphilharmonie salnum í Hamborg. Elmar er nú fastráðinn við óperuna í Stuttgart í Þýskalandi, þar sem hann er búsettur.

Elmar hefur reglulega komið heim til Íslands í verkefni, m.a. fyrir Íslensku Óperuna, Sinfóníuhljómsveit Íslands og Listvinafélag Hallgrímskirkju og hlaut árin 2014 og 2016 Grímuverðlaunin sem söngvari ársins, sem og Íslensku tónlistarverðlaunin í sama flokki.

Antonía Hevesi, píanóleikari, hefur frá upphafi verið listrænn stjórnandi hádegistónleika í Hafnarborg og hefur hún valið með sér marga af fremstu söngvurum landsins. Hádegistónleikar eru vanalega á dagskrá Hafnarborgar fyrsta þriðjudag hvers mánaðar yfir vetrartímann en þeim var frestað um viku að þessu sinni, vegna veikinda flytjendanna, og fara því fram annan þriðjudag mánaðarins, þann 12. febrúar, en þeir voru upphaflega á dagskrá þann 5. febrúar.

Tónleikarnir hefjast kl. 12 og standa yfir í um hálfa klukkustund. Húsið opnar kl. 11:30 og tónleikarnir eru öllum opnir á meðan húsrúm leyfir.

Related Articles

    Björk Níelsdóttir

    Björk Níelsdóttir

    Hádegistónleikar í Hafnarborg – Björk Níelsdóttir Þriðjudaginn 7. maí kl. 12 Þriðjudaginn 7. maí kl. 12 mun Björk Níel...
    árangursrík sala

    Árangursrík sala

    Árangursrík sala

    Námskeiðið Árangursrík sala hefst 8. maí. Nánar hér Á þessu námskeiði fær sölufólk þjálfun sem miðast sérstaklega við r...
    samtímalist frá danmörku

    Opnun: Samtímalist frá Danmörku

    Opnun: Samtímalist frá Danmörku

    23.02.−21.05.2018 Tak i lige måde: Samtímalist frá Danmörku Verið velkomin á opnun sýningarinnar í Listasafni Reykjaví...
    Uppruni Lopapeysunnar

    Uppruni, saga og hönnun íslensku lopapeysunnar í máli og myndum

    Uppruni, saga og hönnun íslensku lopapeysunnar í máli og myndum

    Hádegisfyrirlestur Þjóðminjasafns Íslands   Þriðjudaginn 30. janúar kl. 12 flytur Ásdís Jóelsdóttir, lektor við H...


Hafnarborg 220 Hafnarfjörður

hafnarborg.is



  • Íslenska

CATEGORIES

iframe code

NEARBY SERVICES