{"id":407396,"date":"2024-06-18T20:46:32","date_gmt":"2024-06-18T20:46:32","guid":{"rendered":"https:\/\/icelandictimes.com\/?p=407396"},"modified":"2024-06-18T20:59:41","modified_gmt":"2024-06-18T20:59:41","slug":"hin-einstaka-islenska-ull","status":"publish","type":"post","link":"https:\/\/icelandictimes.com\/is\/hin-einstaka-islenska-ull\/","title":{"rendered":"Hin einstaka \u00edslenska ull"},"content":{"rendered":"
\"\"<\/a>
Sigur\u00f0ur S\u00e6var Gunnarsson<\/figcaption><\/figure>\n

\u00cdslenskur text\u00edli\u00f0na\u00f0ur hf (\u00cdstex hf) er ullarvinnslufyrirt\u00e6ki sem vinnur a\u00f0 \u00fev\u00ed a\u00f0 skapa sem mest ver\u00f0m\u00e6ti \u00far \u00edslenskri ull og hefur um lei\u00f0 a\u00f0 markmi\u00f0i er a\u00f0 framlei\u00f0a h\u00e1g\u00e6\u00f0a v\u00f6rur \u00far fyrir \u00fe\u00e1 sem kj\u00f3sa n\u00e1tt\u00farulegar, sj\u00e1lfb\u00e6rar og umhverfisv\u00e6nar v\u00f6rur. Fyrirt\u00e6ki\u00f0 byggir \u00e1 hef\u00f0 sem n\u00e6r aftur til 19. aldar og einstakir eiginleikar \u00edslensku ullarinnar endurspeglast \u00ed margv\u00edslegum v\u00f6rum fyrirt\u00e6kisins.<\/p>\n

 <\/p>\n

Heitt vatn og \u00ferj\u00f3skt f\u00f3lk<\/strong><\/h5>\n

\u201e\u00cdstex kaupir ull beint fr\u00e1 b\u00e6ndum en r\u00famlega 80% fyrirt\u00e6kisins eru \u00ed eigu b\u00e6nda,\u201c \u00fatsk\u00fdrir Sigur\u00f0ur S\u00e6var Gunnarsson, framkv\u00e6mdastj\u00f3ri \u00cdstex. H\u00f6fu\u00f0st\u00f6\u00f0var f\u00e9lagsins eru \u00ed Mosfellsb\u00e6 og \u00fear hefur ullarvinnsla sta\u00f0i\u00f0 samfleytt fr\u00e1 \u00e1rinu 1896, \u00e1\u00f0ur undir nafninu \u00c1lafoss. \u00cdstex hf t\u00f3k vi\u00f0 starfseminni \u00e1ri\u00f0 1991 en f\u00e9lagi\u00f0 \u00fev\u00e6r og me\u00f0h\u00f6ndlar um 99% af allri \u00edslenskri ull.<\/p>\n

\u201eLykillinn a\u00f0 ullarvinnslu \u00cdslendinga er heitt vatn og \u00ferj\u00f3skt f\u00f3lk,\u201c segir Sigur\u00f0ur og k\u00edmir vi\u00f0, en \u00fea\u00f0 var einmitt heita vatni\u00f0 sem rann um \u00c1lafosskvosina sem ger\u00f0i f\u00f3lki kleift a\u00f0 hefja \u00fevott og vinnslu \u00e1 ull undir lok 19. aldar. \u201eFyrirt\u00e6ki\u00f0 \u00ed n\u00faverandi mynd er stofna\u00f0 \u00e1ri\u00f0 1991, v\u00e6gast sagt m\u00f3ti straumnum \u00fev\u00ed \u00fea\u00f0 var samdr\u00e1ttur \u00ed samf\u00e9laginu, gjald\u00ferot algeng og gerviefnin allsr\u00e1\u00f0andi. En f\u00f3lk gafst ekki upp,\u201c b\u00e6tir hann vi\u00f0. \u00cdslenska \u00ferj\u00f3skan \u00ed gegnum \u00e1ratugina hefur heldur betur borga\u00f0 sig \u00fev\u00ed \u00edslensk ull er \u00ed dag heims\u00feekkt vara og eftirs\u00f3tt fyrir einstaka eiginleika s\u00edna.<\/p>\n

\"\"<\/a><\/p>\n

Ullarband og \u00f3missandi teppi<\/strong><\/h5>\n

\u00cdstex framlei\u00f0ir handprj\u00f3naband \u00ed alls sj\u00f6 mismunandi \u00fatf\u00e6rslum \u00far \u00edslenskri ull sem og m\u00e1 \u00fear nefna \u00c1lafosslopa, Einband, J\u00f6klalopa, L\u00e9ttlopa og Pl\u00f6tulopa. \u201e\u00datf\u00e6rslurnar hafa mismunandi eiginleika og henta \u00fev\u00ed fyrir margv\u00edsleg prj\u00f3naverkefni,\u201c bendir Sigur\u00f0ur \u00e1. \u201e\u00c1lafosslopi er til d\u00e6mis hl\u00fdr og hentar \u00ed \u00fativistarfl\u00edkur, \u00e1 me\u00f0an Fjallalopi sem er n\u00fdjasta bandi\u00f0 okkar, er \u00feynnri og hentar \u00fev\u00ed vel \u00ed f\u00ednger\u00f0ar og l\u00e9ttar fl\u00edkur. Hosubandi\u00f0 er s\u00ed\u00f0an s\u00e9rstaklega slitsterkt band og er \u00fev\u00ed fr\u00e1b\u00e6rt \u00ed sokka.\u201c<\/p>\n

\u00cdstex gefur \u00fat einnig \u00fat handprj\u00f3nab\u00e6kur me\u00f0 fj\u00f6lbreyttri h\u00f6nnun. S\u00fa n\u00fdjasta er n\u00famer 43 \u00ed r\u00f6\u00f0inni og ber yfirskriftina Sk\u00fdjaborgir<\/em>. \u00dear er a\u00f0 finna uppskriftir a\u00f0 fj\u00f6lbreyttum peysum og og \u00f6\u00f0rum prj\u00f3nafl\u00edkum sem V\u00e9d\u00eds J\u00f3nsd\u00f3ttir listama\u00f0ur \u00e1 hei\u00f0urinn a\u00f0. V\u00e9d\u00eds er einnig h\u00f6nnu\u00f0urinn \u00e1 bakvi\u00f0 flest ullarteppin fr\u00e1 \u00cdstex, sem f\u00e1anleg eru \u00ed margv\u00edslegum litum og mynstrum. \u201eTeppin okkar hafa veri\u00f0 einstaklega vins\u00e6l til gjafa enda \u00edslensk h\u00f6nnun \u00far \u00edslenskri ull,\u201c segir Sigur\u00f0ur. \u201e\u00cdslensk v\u00e6r\u00f0arvo\u00f0 er \u00f3missandi \u00e1 hvert heimili. \u00dea\u00f0 \u00feurfa allir \u00a0a\u00f0 eiga minnst eitt gott teppi.\u201c<\/p>\n

\"\"<\/a><\/p>\n

Einstakar \u00edslenskar ullars\u00e6ngur<\/strong><\/h5>\n

\u00cdstex hefur einnig hafi\u00f0 framlei\u00f0slu \u00e1 s\u00e6ngum og koddum \u00far \u00edslenskri ull undir nafninu Lopidraumur<\/em>. F\u00e9lagi\u00f0 kaupir ullina beint fr\u00e1 b\u00e6ndum og er h\u00fan er STANDARD 100 by OEKO-TEX\u00ae vottu\u00f0. \u201eUllin hentar fr\u00e1b\u00e6rlega \u00ed s\u00e6ngur og kodda \u00fev\u00ed ranns\u00f3knir hafa s\u00fdnt a\u00f0 ullarv\u00f6rur b\u00e6ta svefn,\u201c segir Sigur\u00f0ur. \u201e\u00cdslenska ullin er temprandi \u00fev\u00ed h\u00fan b\u00fdr yfir \u00feeim eiginleika a\u00f0 halda einst\u00f6ku rakajafnv\u00e6gi og vi\u00f0heldur \u00feannig \u00fe\u00e6gilegu hitastigi. \u00deessi \u00f6ndunareiginleiki leggur \u00feannig grunninn a\u00f0 g\u00f3\u00f0um svefni og s\u00e6ngin passar \u00fev\u00ed \u00f6llum \u00e1rst\u00ed\u00f0um.\u201c<\/p>\n