Starfsemi fyrirtækisins byggist á þeirri sannfæringu að gæði umhverfis hafi bein áhrif á lífsgæði fólks. Stefna fyrirtækisins er því að hanna umhverfi, byggingar og innréttingar í háum gæðaflokki, þar sem tækniþekking, notagildi og listræn hönnun eru höfð að leiðarljósi.
Lögð er áhersla á að veita viðskiptavinum þjónustu sem er bæði fagleg og persónuleg. Starfsmenn hafa reynslu af því að vinna að verkefnum erlendis í Þýskalandi og Bretlandi. Byggingarverkefnin eru fjölbreytileg að stærð og gerð, svo sem íbúðarhús, skólabyggingar, félagsheimili, íþróttahús, sundlaugar, hótel, verslunar- og skrifstofuhús o.fl.. Skipulagsverkefnin eru deiliskipulög fyrir sveitarfélög.
Önnur verkefni eru hönnun húsgagna, sýninga og ljósaskilta.
Eigendur fyrirtækisins eru arkitektarnir Hjördís Sigurgísladóttir og Dennis Davíð Jóhannesson. Samstarf þeirra hófst 1995.
