Fyrirboði á gos?
Í gærkvöldi var stór jarðskjálfti 4,6 að stærð undir Langjökli. Það er ekki algengt að svo stórir skjálftar séu á þessu svæði. Jökullinn sem er austan við Borgarfjarðarhérað, og skjálftin er aðeins í 45 km fjarlægð í beinni línu frá Þingvallavatni, og 80 km fjarlægð frá Reykjavík. Skjálftinn fannst vel, á vestanverðu landinu, allt norður í Húnavatnssýslur og á höfuðborgarsvæðinu. Skjálftinn sem er á flekaskilum á vestara gosbelti landsins, sem gengur frá Hengli, rétt vestan við Þingvallavatn innundir Langjökul, sem er næst stærsti jökull landsins á eftir Vatnajökli og á undan Hofsjökli sem er austan við hann. Síðasta stóra eldgos á svæðinu, var á 10. öld, rétt eftir að Ísland byggðist, en í því gosi myndaðist Hallmundarhraun. Í hrauninu eru margir af stærstu hellum landsins, þeirra þekktastir eru Víðgelmir og Surtshellir. Talið er að gosið hafi varað í nokkur ár, enda þekur hraunið 200 km² lands, og heildarlengdin var gosstöðvunum undir jöklinum niður á Hvítársíðu eru 52km. Er kominn tími á gos þarna?
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/06/icelandic-times-_58P4291.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/06/icelandic-times-_58P4274.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/06/3472-THingvallavatn-naest-sidan-Skjaldbreid-og-i-fjarska-Langjokull_EBG3472.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/06/Glittir-i-Langjokul-bak-vid-Hlodufell-en-landid-tharna-er-mjog-motad-af-eldvirkni_58P9153.jpg?resize=1063%2C709&ssl=1)
Hallmundarhraun – A7RIII – 2.8/21mm Z, FE 2.8/90mm G
Ljósmyndir & texti : Páll Stefánsson