Við Kópavog
Árið 1574 var gefið út konungsbréf í þáverandi höfuðborg Íslands Kaupmannahöfn sem mælti um að Alþingi íslendinga sem hafði starfað óslitið á Þingvöllum síðan 930 yrði flutt þaðan og í Kópavog. Af hverju Kópavogur? Jú vogurinn Kópavogur liggur miðja vegu milli Reykjavíkur og Bessastaða þar sem embættismenn konungs dvöldu. Flutningurinn kom aldrei til framkvæmda. En nokkur þing voru þó haldin í Kópavogi, þekktasti atburðurinn er Kópavogsfundurinn þann 28. júlí árið 1662, og var tilgangur hans að fá íslendinga til að samþykkja erfðaeinveldi Danakonungs. Kópavogssamningurinn gerði það að verkum að lög sem Danakonungur setti hlutu sjálfkrafa gildi, án aðkomu Alþingis íslendinga. Samningurinn gilti til ársins 1874 þegar íslendingar fengu sína fyrstu stjórnarskrá. Sjötíu árum síðar, þann 17.júní 1944, verðum við loksins sjálfstæð þjóð, með forseta, í stað konungs eða drottningar sitjandi í Kaupmannahöfn.
6447 Kópavogur 11/05/2022 08:49 – 09:29 : A7R IV – A7R III : FE 1.8/20mm G – FE 1.8/135mm GM
