Sterk hús á Íslandi
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/hafnarfjordur_7R44748.jpg?resize=1063%2C709&ssl=1)
Jörð hefur skolfið undanfarna daga á Reykjanesi, mörg þúsund skjálftar á sólarhring, undanfari eldgoss, sem hófst nú í dag, miðvikudaginn 3 ágúst klukkan 13:30 í Fagradalsfjalli. Gosið kom upp á svipuðum slóðum og gosið sem hófst þann 19 mars í fyrra. Ísland er auðvitað eldfjallaland, þar sem stórir skjálftar eru tíðir. Á síðustu 100 árum hafa verið 16 mjög stórir skjálftar á Íslandi, skjálftar sem eru stærri en 5. Stærstir við Dalvík (6.8) 1934, í mynni Skagafjarðar (7.0) 1963, Brennisteinsfjöll á Reykjanesi (6.0), Öxarfirði (6,3) 1976, Tveir skjálftar á Suðurlandi (báðir upp á 6,6) árið 2000, Við Grímsey (5,8) 2020, Við Keili (5,7) 2021, undanfari gossins í Fagradalsfjalli í fyrra, og síðan 5,5 nú um daginn við Grindavík, fyrirboði á gosinu sem hófst í dag. Byggingar á Íslandi eru sterkbyggðar, þær þola stóra skjálfta, Icelandic Times / Land & Saga skrapp í Hafnarfjörð og myndaði hús og byggingar, enda er stór hluti af bænum byggður á hrauni, og þarna er líka stutt í gosstöðvarnar í Fagradalsfjalli. Hús á höfuðborgarsvæðinu eru hönnuð til að þola jarðskjálfta vel yfir 6, og enn strangari kröfur eru gerðar á húsum á suðurlandi og frá Húsavík og norður og austur á Kópasker, en á þessum svæðum er mest hætta á mjög stórum skjálftum.
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/Hafnarfjordur_7R44728.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/Hafnarfjordur_7R44735.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/Hafnarfjordur_7R44726.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/Hafnarfjordur_7R44762.jpg?resize=1063%2C709&ssl=1)
Hafnarfjörður 03/08/2022 : A7R IV: FE 1.2/50mm GM
Ljósmyndir & texti : Páll Stefánsson