Það eru rétt um 600 km /370 mi frá Sandvíkurheiði, milli Bakkafjarðar og Vopnafjarðar í norðri, að Lómagnúp í suðri. En þarna byrjar og endar Austurland. Íbúafjöldinn í landsfjórðunginum er 11.500 manns. Frá Egilsstöðum, sem er að mörgu leyti miðstöð fjórðungsins, með innanlands flugvöllinn, tengingu til Reykjavíkur, er nær jafn langt að keyra Hringveg 1, suður eða norðurleiðina. Eina farþega / bílferjan sem siglir reglulega til Íslands, Norræna, kemur vikulega til Seyðisfjarðar frá Færeyjum og Danmörku. En Austurland er á margan hátt einstakur fjórðungur sem vert er heim að sækja. Falleg sjávarpláss í fjörðunum, eins og Seyðisfjörður, Eskifjörður, Mjóifjörður eða Djúpivogur. Einstök náttúrufegurð er undir Vatnajökli frá Höfn og vestur í Vatnajökulsþjóðgarð í Skaftafelli. Á Héraði er stærsti skógur landsins, Hallormsstaðaskógur, rómaður fyrir veðurblíðu. Síðan er auðvitað hálendið norðan Vatnajökuls, einstakt, á allan hátt. Þar á Möðrudal á Fjöllum, hæsta byggða bóli á landinu, er ekki frábært útsýni yfir víðernin, heldur er þar boðið upp á ramm íslenskan mat sem smakkast örlítið betur í þunna loftinu, eftir langa dagleið.
Ísland 26/02/2024 : RX1RII, A7RIII : 2.0/35mm Z, FE 1.4/50mm Z, FE 2.8/90mm G, FE 2.8/100mm GM
Ljósmyndir & texti : Páll Stefánsson
