Rétt tæplega 160 þúsund erlendir ferðamenn fóru frá landinu í síðasta mánuði, október 2022, samkvæmt talningu Ferðamálastofu. Ferðamenn voru 80% af þeim ferðamönnum, sem komu hingað 2018, sem er enn það ár sem flestir ferðamenn sóttu Ísland heim. Bandaríkjamenn voru lang fjölmennastir en þriðji hver ferðamaður, eða 52 þúsund komu hingað í október þaðan. Bretar voru í öðru sæti, en þeir voru 25 þúsund í október, eða 16% af heildarfjöldanum. Þessar tvær enskumælandi þjóðir voru hvorki meira né minna en helming allra brottfararfarþega í mánuðinum. Þjóðverjar voru þriðja fjölmennastir, en þeir voru 6%, Pólverjar voru í fjórða sæti en 4,8% farþega frá landinu voru þaðan. Í fimmta sæti voru Danir, en þeir voru 3,9% af heildinni. Ítalir voru í sjötta sæti, 2,7% farþega, þar á eftir deildu Frakkar og Spánverjar sjöunda og áttunda sæti, með 2,6% hvort um sig. Hollendingar voru í níunda sæti 2.4% og Kanadamenn í því tíunda en 2,2% voru frá þessu næst stærsta ríki veraldar. Rétt rúmlega þrír fjórðu af þeim sem heimsóttu Ísland í október koma frá þessum tíu löndum. Íslendingar voru ferðaglaðir í október, en 72 þúsund íslendinga fóru erlendis í mánuðinum, sem gerir hann að stærsta ferðamánuði ársins. Sem er merkilegt. Icelandic Times / Land & Saga skrapp niður í bæ, og tók myndir eins og ferðamaður í nóvember góðviðrinu.
Reykjavík 10/11/2022 : A7C, A7R III : FE 1.4/24mm GM, FE 1.8/135mm GM,
Ljósmyndir og texti : Páll Stefánsson
