Hólar í Hjaltadal í Skagafirði, er biskupssetur, kirkjustaður, háskólaþorp. Þar var settur biskupsstóll árið 1106 þegar Norðlendingar kröfðust þess að fá biskupssetur, og biskup til mótvægis við Skálholt í Biskupstungum. Hólabiskupar voru 23 í kaþólskum sið, og 13 lúterskir, sá síðasti var Sigurður Stefánsson biskup frá 1789 til dauðadags 1798, en eftir andlát hans voru biskupsdæmin tvö sameinuð, og skólinn fluttur suður til Reykjavíkur. Hólar voru í raun höfuðstaður og helsta menningarsetur Norðurlands frá upphafi 12. aldar til upphafs 19. aldar. Frá 2003 hefur verið nám á háskólastigi í Háskólanum á Hólum, í ferðamálafræði, fiskeldis- og fiskalíffræðideild og hestafræðideild. Vígslubiskup hefur setið á Hólum síðan 1986, núverandi vígslubiskup er séra Gísli Gunnarsson.
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/09/Holar-i-Hjaltadal_7R47218.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/09/Holar-i-Hjaltadal_S7C3241.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/09/Holar-i-Hjaltadal_S7C3244.jpg?resize=1063%2C709&ssl=1)
Skagafjörður : 24/09/2022 : A7R IV, A7C – FE 1.4/24mm GM, FE 1.2/50mm GM
Ljósmyndir & texti : Páll Stefánsson