Hornið á Klapparstíg og Laugavegi, horft í áttina að Skólavörðustíg

Í hjarta Reykjavíkur

Klapparstígur er ein af skemmtilegustu og fjölbreyttustu götum Reykjavíkur. Gatan liggur frá Skúlagötu í suður upp að Skólavörðustíg. Klapparstígur er fyrsta gatan í Skuggahverfinu, og var gatan lögð veturinn 1877 -1878, að beiðni íbúa hverfisins. Gatan lá frá Klappavör, sem var stór útróðrarstaður við smábýlið Klöpp, og upp á Laugaveg. Fékk gatan nafnið í fyrstu nafnið Skuggahverfisvegur, en fljótlega fóru Reykvíkingar að kalla götuna Klapparstíg, og hefur gatan opinberlega heitið því nafni síðan 1883. Ári áður hafði gatan verið lengd, alla leið upp að Skólavörðustíg. Í dag er gatan með líflegasta móti, enda eru hátt í fimmtán veitingahús og barir við þessa tæplega 500 metra löngu götu í miðju Skuggahverfinu, mitt í hjarta Reykjavíkur.