Síðastliðin júlímánuður var óvenjulegur. Síðan samfelldar veðurmælingar hófust á Íslandi í Stykkishólmi á Snæfellsnesi árið 1857, hefur aðeins einu sinni mælst minni úrkoma þar, það var árið 1939. Í ár rigndi einungis 4.7mm í öllum mánuðinum. Júlímánuður var óvenju þurr frá Snæfellsnesi í vestri og suður og austur að Höfn í Hornafirði. En meðalhitinn var svipaður og undanfarin 30 ár.
Sólskinsstundir í Reykjavík voru 307 klukkutímar, 123 klukkustundum fleiri en í meðalári. Einungis einu sinni hafa mælst fleiri sólskinsstundir í höfuðborginni, það var fyrir 84 árum síðan. Afturámóti var kalt og úrkomusamt á norðaustur og austurlandi. Verslunarmannahelgin, þessi mesta ferðahelgi ársins, var ágæt um allt land. Hæglætisveður, og umferðin gekk vel. Svo vel, að lögreglan hrósaði ökumönnum fyrir góðan akstur.
Icelandic Times / Land & Saga skrapp upp í Kjós í Hvalfirði til að njóta helgarinnar með fjölskyldu og vinum, eins og svo margir íslendingar. Hér koma nokkur minningabrot af venjulegu fólki, njóta íslenska sumarsins, eins og það er best. Fimmtán gráður á celsíus, sól og rigning á köflum. Ekta íslenskt sumar.
Ljósmyndir & text : Páll Stefánsson
Reykjavík 08/08/2023 : RX1R II, A7C : 2.0/35mm Z, FE 1.4/24mm GM
