Það er örstutt, aðeins 45 mín akstur frá Reykjavík að Meðalfellsvatni í Kjós, Hvalfirði. Í vatninu og ánni Bugðu sem rennur úr vatninu í Laxá í Kjós eru allar tegundir íslenskra ferskvatnsfiska, lax, bleikja, urriði, áll og hornsíli. Meðalfellsvatn er mjög áhugaverður staður til fuglaskoðunar, en þarna verpir meða annars himbrimi, auk fjölda andartegunda. Vatnið er 2,03 km² að stærð, og ekki djúpt, 4 metrar að meðaltali. Meðalfellsvatn, er eins og lang flest íslensk stöðuvötn myndað í jökulsorfnum dældum, sem hafa myndast þegar ísaldarjökullinn heflaði landið, misdjúpt eftir þykkt jökulsins á hverjum stað, og myndaði mishæðótt landslag með dældum sem fylltust af vatni.
Kjósasýsla 22/05/2022 07:33 – 18-12 : A7R IV, A7C : FE 2.5/40mm G : FE 1.8/20mm G
Ljósmyndir og texti : Páll Stefánsson
