Metró-hópurinn, hópur sérfræðinga innan Verkfræði- og náttúruvísindasviðs Háskóla Íslands var myndaður 2. maí 2008. Honum er ætlað að skoða framtíðarlausnir í almenningssamgöngum höfuðborgarsvæðisins, einkum jarðlestir nefndar Metró. Markmið Metró-hópsins er að hægt verði að gera raunhæfa áætlun til frekari útfærslu og ákvarðanatöku um framkvæmdir á grundvelli þessarar frumkönnunar. Í metró-hópnum eru:
Birgir Jónsson
Dósent við umhverfis- og byggingarverkfræðideild
Kennir m.a. verkfræðilega jarðfræði og mat á umhverfisáhrifum
Björn Kristinsson
Prófessor emeritus
Rafmagnsverkfræðingur
Björn Marteinsson
Dósent í Umhverfis- og byggingarverkfræði, sérfræðingur við Nýsköpunarmiðstöð
Kennir m.a. húsagerð, efnisfræði og húsbyggingartækni og heildarsýn
Sigurður Erlingsson
Prófessor í umhverfis- og byggingarverkfræðideild
Kennir m.a. jarðtækni, grundun og jarðgangagerð
Þorsteinn Þorsteinsson
Aðjúnkt og sérfræðingur við Verkfræðistofnun HÍ
Kennir m.a. hönnun samgöngumannvirkja
Upphaf Metróhópsins má rekja til vinnu fjögurra fræðimanna við Háskóla Íslands við umsögn um þingsályktunartillögu um athugun á hagkvæmni lestarsamgangna árið 2007. (135 löggjafarþing, Þskj. 650, 402 mál. Í kjölfarið vaknaði áhugi hópsins á frekari rannsóknum á þessu sviði. Þess má geta að borgir á vesturlöndum með vel undir einni milljón íbúa eru farnar að skoða metró sem raunhæfan kost til að leysa umferðarvanda í þéttbýli.
Mat Metró-hópsins, sem stendur að þessum fyrstu innlendu skrefum í háskólarannsóknum á sporbundnum almenningssamgöngum, er að fyllsta ástæða sé að flytja inn og afla nýrrar þekkingar á jarðlestum og almenningssamgöngum hér á landi. Metró – hópurinn er sannfærðum um að hægt sé að stunda slíkar rannsóknir við Háskóla Íslands og að hann sé kjörinn vettvangur til rannsókna á almenningssamgöngum, jarðlestum og orkumálum fólksflutninga. Þar sé hægt að ráða stúdenta og annað ungt fólk með framtíðarsýn til að vinna að áhugaverðum verkefnum sem tengjast þessum hugmyndum.
