Ísafjörður í Skutulsfirði, höfuðstaður Vestfjarða er einstakur bær. Bjartur á sumrin, koldimmur á veturna. Þarna búa tæplega þrjú þúsund manns, af þeim áttaþúsund sem byggja alla Vestfirðina. Í Ísafjarðarkaupstað, sem varð til 1996, þegar Flateyri, Þingeyri og Suðureyri og strjálbýlið í Önundarfirði, Súgandafirði, og Dýrafirði sameinustust Ísafirði, og til varð sveitarfélag þar sem rúmlega helmingur Vestfirðinga á heima. Árið 1900 var Ísafjörður næst stærsti bær landsins, þá bjuggu þar rúmlega tólfhundruð manns, enda var þar stærsta saltfiskvinnsla landsins, en þá var saltfiskur stærsta útflutningsvara Íslands. Það má sjá þegar gengið er um bæinn. Stór falleg hús, byggð fyrir meira en hundrað árum síðan. Icelandic Times / Land & Saga átti leið um höfuðstaðinn, og naut þess að festa á filmu, bæ sem er svo einstaklega fallegur. Sérstaklega á sumrin. Það er stutt til Ísafjarðar frá Reykjavík. Hálftími í flugi, og aðeins tæplega fimm tímar í bíl.
Ísafjörður 29/07/2024 : RX1R II, A7C R, A7R IV – 2.0/35mm Z, FE 1.8/20mm G, FE 1.2/50mm GM, FE 2.8/100m GM – Ljósmyndir & texti : Páll Stefánsson
