Árbær er gömul bújörð rétt austan við Elliðaá í landi Reykjavíkur. Má segja að í dag sé Árbær / Árbæjarsafn í miðri höfuðborginni. Jörðin fer í eyði árið 1950, og sjö árum síðar samþykkir borgarráð Reykjavíkur að endurgera gamla bæinn, og koma upp á jörðinni safni gamalla húsa sem hafa menningarsögulegt gildi. Fyrsta húsið sem er flutt úr miðbæ Reykjavíkur er Smiðshús árið 1960, ári síðar kemur hið sögufræga Dillonshús. Flest húsin á svæðinu hafa verið flutt úr miðbæ Reykjavíkur. Í Árbæjarsafni er leitast við að gefa hugmynd um lifnaðarhætti og byggingarlist í höfuðborginni á 19. og byrjun 20. aldar. Safnið er opið allt árið, og er hluti af Borgarsögusafni Reykjavíkur.
![](https://i0.wp.com/icelandictimes.com/cdn-cgi/image/width=1170,height=780,/wp-content/uploads/2022/01/arbaejarsafnid_RIV7227-1.jpg?resize=1170%2C780&ssl=1)
![](https://i0.wp.com/icelandictimes.com/cdn-cgi/image/width=1170,height=780,/wp-content/uploads/2022/01/arbaejarsafni_RIV7270.jpg?resize=1170%2C780&ssl=1)
Reykjavík 05/01/2022 11:23 & 12:21 – A7R IV : FE 1.2/50mm GM
Ljósmyndir og texti : Páll Stefánsson