Í Norðurárdal er Grábrók og Grábrókarhraun, sem stendur á 13 milljón ára bergi, einu því elsta á Íslandi. Grábrók þessi forfagri gígur, rétt norðan við Háskólann í Bifröst gaus fyrir 3200 árum, og er austasti hluti gosbeltisins sem teygir sig frá Snæfellsjökli og austur í Norðurárdal á Vesturlandi. Grábrókarhraunið sem er um 20 metra þykkt og þekur sjö ferkílómetra lands á upptök sín í þremur gígum, Grábrók sem er stærstur og Grábrókarfelli og Smábrók ( Litla-Grábrók ). Hraunið breytti bæði árfarvegi Norðurár, en fossinn Glanni er við hraunið, og eins stíflaði hraunið dalverpi sunnan við Bifröst, þar er nú fallegt stöðuvatn, Hreðavatn. Grábrók er í rúmlega klukkustunda fjarlægð frá Reykjavík, hraunið og gígarnir eru á náttúruminjaskrá, en ekki friðlýstir.
Grábrók 2511/2024 : RX1R II, A7R IV, A7R III – 2.0/35mm Z, FE 1.2/50mm GM, FE 1.8/20mm G, FE 1.8/135mm GM – Ljósmyndir & texti : Páll Stefánsson
