heldur ókeypis tónleika í Sjóminjasafninu
IMPRA er nýr kvennakammerkór sem heldur tónleika á Sjóminjasafninu laugardaginn 27. október kl. 13. Á efnisskrá eru verk eftir Ásbjörgu Jónsdóttur, Birgit Djupedal, Carolyn Chen, Jody Diamond og Svanfríði Hlín Gunnarsdóttur auk íslenskra og norskra þjóðlaga.
IMPRA hefur það markmið að syngja ýmiskonar nýja tónlist í bland við þjóðlög frá ýmsum löndum. Kórinn var stofnaður haustið 2018 af þeim Ásbjörgu Jónsdóttur og Birgit Djupedal en þær hafa nýlokið meistaragráðu í tónsmíðum frá Listaháskóla Íslands. Þær eru jafnframt listrænir stjórnendur IMPRU en kórinn æfir undir handleiðslu Birgitar.
Allir velkomnir og aðgangur er ókeypis.
