Rauðanes á Melrakkasléttu í Þistilfirði er einstök náttúruperla. Um Rauðanesið er vel merkt 7 km löng gönguleið sem liggur í hring og er gönguleiðin bæði auðfarin og einstaklega falleg. Nesið er víggirt af háum hömrum, og það sem gerir gönguferðina svo sértaka eru einstakir klettar og drangar fyrir utan, eins og Lundastapar, og Gatastakkur. Á vorin fyllast björgin af sjófuglum, og mest er af lunda í Stakkatorfu. Sumarbýlið Vellir eru undir Viðarfjalli, nyrst á nesinu. Fallegt útsýni er af Rauðanesi, norður í Kollavík, og yfir Þistifjölfjörðin að Langanesi í suðaustur. Ljósmyndari Icelandic Times, Land & Sögu gekk um nesið í næturblíðunni í nótt. Það eru 30 km frá Þórshöfn á Rauðanes, og 120 km frá Húsavík.
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/07/Raudanes-a-Melrakkaslettu_III07755-1.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/07/Raudanes-a-Melrakkaslettu_7R04286.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/07/Raudanes-a-Melrakkaslettu_7R04278.jpg?resize=1063%2C709&ssl=1)
Melrakkaslétta: 09/07/2022 : A7C, A7RIV, RX1R II : FE 1.4/24mm GM, FE 1.2/50mm GM, 2.0/35mm Z
Ljósmyndir & texti : Páll Stefánsson