Í vor hófust byggingarframkvæmdir við Borgartún 28 en þar verða byggðar 21 íbúð, flestar tveggja til þriggja herbergja, 85 og 115 m2 að stærð. Að auki verður 190 m2 þakíbúð á efstu hæð en verslunar-rými á þeirri fyrstu
„Við gerum ráð fyrir að verkið taki 18-20 mánuði í framkvæmd og að fyrstu íbúar geti því flutt inn síðla árs 2018,“ segir Guðlaugur Adolfsson, framkvæmdastjóri Fagtaks ehf. sem sér um framkvæmdina.
Guðlaugur segir framkvæmdina hafa gengið vel til þessa og samstarf verið gott við borgaryfir-völd. „Þessar íbúðir verða allar til sölu fyrir almennan markað. Sérstaða okkar felst ef til vill sérstaklega í staðsetningunni en Borgartúnið er vinsælt, einkum fyrir þá sem vilja vinna hér og búa. Hér er stutt í alla þjónustu, hvort sem þú ert gamall eða ungur, og allt við höndina.“
