Eitt það besta við Ísland, er auðvitað heita vatnið. Jarðhiti er notaður á svo margan hátt, með jarðvarmavirkjunum að framleiða hreina raforku, að hita húsin okkar, og sundlaugar og baðstaði. Fyrsta steypta sundlaugin á Íslandi var byggð í Laugardalnum í Reykjavík 1908. Á höfuðborgarsvæðinu eru nú um 20 sundlaugar, og hver bær, hvert sveitarfélag á Íslandi hefur auðvitað sína sundlaug. Síðan Bláa lónið hóf starfsemi fyrir tæpum 30 árum hefur upplifunar baðstöðum fjölgað mjög, og fjölgar enn. Nú á stuttum tíma hafa þrír hágæða baðstaðir opnað, Sky Lagoon í Kópavogi, Skógarböðin / Forrest Lagoon á Akureyri og nú síðast Hvammsvík Hot Springs í Hvalfirði. Böðin eru aðeins 45 mín aksturfjarlægð frá Reykjavík, hálftími frá Akranesi, einn og hálfur klukkutími frá Keflavík. Icelandic Times / Land & Saga skrapp auðvitað í góðviðrinu í dag til að kíkja á þennan mánaðargamla baðstað.
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/Hvammsvik_S7C1470-1-copy.jpg?resize=1063%2C709&ssl=1)
![](https://i0.wp.com/icelandictimes.com/cdn-cgi/image/width=1063,height=709,/wp-content/uploads/2022/08/Hvammsvik_S7C1477-copy.jpg?resize=1063%2C709&ssl=1)
Hvalfjörður 21/08/2022 : A7C : 2.8/21mm Z
Ljósmyndir & texti : Páll Stefánsson