Allt innanlandsflug lá niðri í dag, og miklar tafir urði á millilandaflugi til og frá Keflavík. Já enn ein djúpa lægðin heimsótti Íslands. Ekki er spáð betri tíð fyrr en í næsta mánuði. Icelandic Times / Land & Saga fór auðvitað á stúfana, og hitti í höfuðborginni, heimamenn og glaða ferðamenn, sem fannst veðrið spennandi. Öðruvísi. En flestir voru á því að það væri reyndar kaldara en þeir áttu von á. Hér kemur smá myndasyrpa af því sem fyrir augu bar, í rokinu í Reykjavík.
Að mynda rok og rigningu getur verið strembið. Sérstaklega þegar úrkoman er lárétt, beint í linsuna, eins og svo oft á Íslandi. Gott er finna sér skjólvegg til að standa upp við, ef maður er að mynda borgarlandslag. Síðan bara bíða eftir að eitthvað spennandi birtist. Góðir linsuklútar til að strjúka af blautri linsu og myndavél er besti aukahlutur sem ljósmyndari getur haft með sér út í óveðrið.
Ljósmyndir & texti : Páll Stefánsson
Reykjavík 23/05/2023 : A7C, A7R III, A7R IV : FE 1.2/50mm GM, FE 1.8/135mm GM, FE 1.8/20mm G
