Það kemur nokkuð oft fyrir að erlendir ljósmyndarar spyrja mig, hvert þeir eiga að fara til að upplifa og sjá Ísland ef þeir hafa takmarkaðan tíma. Oftar en ekki hvet ég þá til að fara vestur, skoða Borgarfjörð og Snæfellsnes, og ef tími gefst til, Dalina og Vestfirði. Það eru ótal fallegir staðir á Vesturlandi. Hrífandi Hraunfossar, hraun, gígar og eldfjallið Snæfellsjökull. Auðvitað fallegu fjöllin Kirkjufell og Skessuhorn. Lifandi sjávarþorp, og kaupstaðir eins og Akranes og Borgarnes. Höfuðbýlið Reykholt, þar sem Snorri Sturluson (1179-1241) bjó og var þar síðan myrtur. Hans höfuðverk, Snorra-Edda og Heimskringla eru einar merkustu bækur sem skrifaðar voru þessum tímum. Skammt frá Reykholti er baðstaðurinn Krauma, og Húsafell, skjólgóð gróðursæl vin innst í Borgarfirði, ekki langt frá Langjökli. Góða ferð vestur.
Vesturland 19/04/2024 : A7RIV, RX1R II – 2.0/35mm Z, FE 1.8/20mm G
Ljósmyndir & texti : Páll Stefánsson
