Nítjándi júní

Fyrir 110 árum, 19. júní 1915, fengu íslenskar konur kosningarétt. Þó aðeins þær sem voru fæddar fyrir árið 1875, það er að segja þær sem voru 40 ára eða eldri. Baráttan fyrir að konunur á Íslandi fengu kosningarétt, hófst árið 1885, og Alþingi Íslendinga samþykkti lög um að konur fengu loksins kosningarétt eins og í herraþjóðinni Danmörku, árið 1911, en Kristján X Danakonungur neitaði að samþykkja lögin. Fjórum árum síðar samþykkti hann þó lögin, með 40 ára aldursskilyrði, sem var hvergi annarsstaðar í heiminum. Loks þegar Ísland fékk fullveldi frá Danmörku árið 1918, var aldursákvæðið auðvitað tekið út. Fyrst kvenna til að taka sæti á Alþingi var Ingibjörg H. Bjarnason (1867 – 1941), en stytta af henni stendur við inngang Alþingishússins. Kvennréttindagurinn þann 19. júní, er sérstakur hátíðisdagur, í ár fóru fram tónleikar í Hljómskálagarðinum, þar sem kvennlistamenn skemmtu landsmönnum með gleði og söng. Icelandic Times / Land & Saga fór auðvitað niður í garð til að fagna deginum góða.