Bækur og bókmenntir eru ær og kýr í íslenskri menningu. Bókamarkaður Félags íslenskra bókaútgefenda er nú undir stúkunni á Laugardalsvelli, eins og mörg undanfarin ár. Markaðurinn sem er árviss viðburður í dagatali bókaáhugafólks, stendur til 12. mars. Þarna er hægt að finna nýjar og eldri bækur á frábærum kjörum. Enda, þegar Icelandic Times / Land & Saga átti þar leið um í dag var stappað af fólki, að leita og kaupa upp gersemar á góðu verði, krimma og barnabækur. Líka eldri ævisögur, matreiðslubækur, landslags Íslands og allt þar á á milli. Úrvalið er ótrúlegt. Sem sýnir svart á hvítu að við gefum ekki bara út bækur, fólk kemur og kaupir.
Ljósmyndir & texti : Páll Stefánsson
03/03/2023 : A7C, RX1R II : 2.0/35mm Z, FE 1.8/20mm G
