Hlið við hlið í fjörukambinum á Laugarnesinu í Reykjavík standa tvo sérstæð hús, tveggja andans manna. Syðra húsið er heimili Hrafns Gunnlaugssonar (f: 1948) kvikmyndaleikstjóra, þekktastur fyrir myndina Hrafninn Flýgur. Nyrðra húsið er nú safn með verkum Sigurjóns Ólafssonar (1908-1982) en hann er einn af okkar fremstu myndhöggvurum, og einn af brautryðjendum abstraktlistar á Íslandi. Byggingarnar standa á opnu óbyggðu svæði, sem er mikið notað til útivistar, enda einstaklega falleg að horfa þarna af Laugarnesinu yfir sundin blá, að Viðey og Esjunni. Í vesturátt er það Örfirisey sem lokar sjóndeildarhringnum, meðan Sæbrautin og Borgartúnið með sínu skrifstofubyggingum við sjávarsíðuna búa til borgarlandslag í fjarska. Þarna, er það kyrrðin og list-andinn sem ráða ríkjum.
Reykjavík 21/05/2024 : RX1R II, A7C R – 2.0/35mm Z, FE 2.8/100mm GM
Ljósmyndir & texti : Páll Stefánsson
