Mjóifjörður er einstaklega fallegur fjörður, milli Seyðisfjarðar og Norðfjarðar á miðju Austurlandi. Í firðinum sem er 18 km langur, búa 14 einstaklingar, en fjörðurinn, og auðvitað íbúarnir eru hluti af fjölmennasta sveitarfélagi á Austurlandi, Fjarðarbyggð. Það var fjölmennara í Mjóafirði á árum áður. Árið 1900 reistu Norðmenn þar stærstu hvalveiðistöð í heiminum í utanverðum firðinum. Þar störfuðu rúmlega 200 manns, á fyrsta áratug síðustu aldar. Vegurinn yfir Mjófjarðarheiðina, er einstakur, mjög hrikalegur, en hann er ekki opinn nema rúmlega fimm mánuði á ári, vegna snjóþyngsla. Einu samgöngurnar lungað úr árinu í fjörðinn, er áætlunarbátur sem gengur þrisvar í viku milli Mjóafjarðar og Neskaupstaðar í Norðfirði, langt er að bryggju í Brekkuþorpinu í Mjóafirði. Það er alltaf gaman að heimsækja Mjófjörð, hér eru nokkur sýnishorn frá þessum einstaka, og afskekta firði í miðjum Austfjörðunum.
