Austan Lóndranga verður bjarg mikið,og heitir það Svalþúfubjarg (í daglegu tali Þúfubjarg). Er bjarg þetta mjög setið fugli og litlu miður en Stóri-Lóndrangur, sem er fuglaheimur mikill. Þar, sem Þúfubjarg þrýtur vestan, verður nokkur lægð í hraunið vestur að Dröngum. Stóri-Drangur stendur meir fram í sjó, allur úr móbergi með blágrýtiseitlum. Að baki honum og nokkuru ofar er Minni-Drangur, allur af blágrýti og apalgrýti, og þar sezt aldrei fugl. Vik verður inn fyrir austan StóraDrang
og er nefnt Drangsvogur. Þar var lending á fyrri öldum og þó varla hættulaus. Á vergögnum þeim, er verða á hrauninu fyrir ofan voginn, fiskgörðum og öðru, sést með vissu, að þar hefir verið mjög fjölsóttur sjór einhvern tíma á miðöldum. Nafn þeirra, sem þar reru, lifir enn á tungu manna, og voru þeir nefndir Vogsarar.
Blanda 8. bindi 1944-1948 .0101.1944
Þverhöggvið gnapir Þúfubjarg
þrútið af lamstri veðra;
Ægir greiðir því önnur slög,
ekki er hann mildur héðra;
iðkuð var hér á efstu brún
iþróttin vorra feðra:
Kolbeinn sat hæst á klettasnös
kvaðst á við hann úr neðra.
Jón Helgason.
