Grindavík er eða var lítið sjávarpláss með tæplega fjögur þúsund íbúa á sunnanverðu Reykjanesi. Eitt prósent íbúa lýðveldisins búa eða bjuggju í bæjarfélaginu, sýnishorn eða svipmynd af þjóðinni. Í Grindavík er einn fjölsóttasti ferðamannastaður lýðveldisins, Bláa lónið, ein stærsta jarðvarmavirkjun í heimi Svartsengi, og tvö af stærri útgerðarfélögum í landinu. Og nú er bærinn tómur. Eldsumbrot í næsta nágrenni. Næstum óbyggilegt. Á Alþingi í dag, kynntu forsætisráðherra, Katrín Jakobsdóttir, fjármálaráðherra, Þórdís Kolbrún Reykfjörð Gylfadóttir og innviðaráðherra Sigurður Ingi Jóhannsson hvernig við sem samfélag ætlum að rétta íbúum hjálparhönd, takast á við þessa atburði sem eru stórir á íslenskan mælikvarða. Hræðilegir fyrir íbúa Grindavíkur að missa bæinn sinn, húsin sín og atvinnuna. Ríkisstjórnin skoðar nú möguleg uppkaup á íbúðarhúsnæði einstaklinga í Grindavík. Með þessu færir Alþingi óvissu Grindvíkinga alfarið yfir á ríkissjóð. Það er þverpólitísk sátt og samúð með að finna farsæla lausn fyrir íbúa Grindavíkur, eins og greiða laun þeirra sem geta ekki sótt vinnu áfram í Grindavík. Icelandic Times / Land & Saga mætti auðvitað á blaðamannafund ríkisstjórnarinnar.
![](https://i0.wp.com/icelandictimes.com/cdn-cgi/image/width=1170,height=780,/wp-content/uploads/2024/01/DSC0267.jpg?resize=1170%2C780&ssl=1)
![](https://i0.wp.com/icelandictimes.com/cdn-cgi/image/width=1170,height=1170,/wp-content/uploads/2024/01/DSC0265.jpg?resize=1170%2C1170&ssl=1)
![](https://i0.wp.com/icelandictimes.com/cdn-cgi/image/width=1170,height=1170,/wp-content/uploads/2024/01/R3P8532.jpg?resize=1170%2C1170&ssl=1)