Hinu megin við Kollafjörð, norðan við Seltjarnarnes, þar sem höfuðborgin Reykjavík liggur, ásamt samnefndu sveitarfélagi vestast á nesinu, er fjallið Esja, 914 m (2999 ft) hátt. Sannkallað bæjarfjall sem skýlir höfuðborginni fyrir kaldri norðanáttinni. Esja er líklega skýrð eftir írskri konu, sem kom um landnám í Kollafjörð, líklega með landnámsmanninum Örlygi Hrappssyni sem reisti fyrstu kristnu kirkjuna á íslandi að Esjubergi undir suðvesturhlíðum fjallsins. Hann kom frá Suðureyjum (Innse Gallá á gelísku: Hebrides á ensku) í Skotlandi. Fjallið er ekki bara fallegt, þúsundir ferðamanna leggja leið sína á hverju ári upp fjallið, flestir frá botni Kollafjarðar við skógræktina við Mógilsá. Stærsti hluti Esjunnar er í bæjarlandi Reykjavíkur. Það andaði köldu í höfuðborginni í dag, en Esjan skartaði sínu fegursta í vetrarsólinni. Enda bæjarprýði Reykjavíkur.
