Grasagarðurinn í Reykjavík safn og útivistarsvæði Reykjavíkurborgar, í miðju Laugardals er frábært safn íslenskra jurta. Grasagarðurinn var stofnaður á afmæli Reykjavíkurborgar árið 1961, þegar hjónin Katrín Viðar píanóleikari og Jón Sigurðsson skólastjóri gáfu borginni einstakt safn íslenskra plantna sem þau höfðu safnað á ferðalögum sínum um allt Ísland. Varð sú gjöf upphafið af Grasagarðinum. Í dag eru plöntur garðsins um þrjú þúsund, í átta safndeildum, sem gefa góða hugmynd um gróður sem þrífst hér í há norðri, frá Hornbjargi að Höfn í Hornafirði. Þegar Icelandic Times / Land & Saga átti leið um garðinn, var svo gaman að sjá fólkið í garðinum. Hér voru allir, leikskólabörn úr nágrenninu, ferðamenn frá Frakklandi, og allt þar á milli. Auðvitað er engin tími betri til að heimsækja safnið, njóta útiveru… nema ef til vill haustin. Þegar gróðurinn skiptir litum, fer úr grænu yfir í rautt og gult.
Ljósmyndir/Texti : Páll Stefánsson
Reykjavík 25/09/2025 – A7C R : FE 2.8/100mm GM
