Akureyri er fallegur tuttugu þúsund manna bær í botni Eyjafjarðar, fyrir miðju Norðurlandi. Við Eyjafjörð, búa um þrjátíu þúsund manns, sem gerir héraðið það lang fjölmennasta á Íslandi, fyrir utan höfuðborgarsvæðið á suðvesturhorninu. Akureyri er þjónustubær fyrir landsbyggðina, menntabær, en þarna eru þrjár menntastofnanir, Menntaskólinn á Akureyri, Verkmenntaskólinn, og Háskólinn á Akureyri. Stærsta súkrahúsið eftir Landspítalanum í Reykjavík, og mikil og öflug útgerð, og menningarstarfsemi. Akureyrarflugvöllur, er eini flugvöllur landsins, fyrir utan Keflavíkurflugvöll, með beinu áætlunarflugi til útlanda. Akureyri fær kaupstaðarréttindi árið 1862, og er lengi, fram til 1970, næst stærsti bær landsins, þegar Kópavogur verður stærri. Í dag er Akureyri fimmti stærsti bær landsins, og sá nyrsti, því eyjarnar Hrísey, og Grímsey, sem er nyrsta byggð landsins, tilheyra Akureyri. Ferðaþjónusta er og hefur verið öflug á Akureyri, enda er bærinn ákjósanlegur til að skoða allar perlur norðurlands, frá Hrútafirði í vestri og norður og austur á Melrakkasléttu. Icelandic Times / Land & Saga átti leið um þennan fallega bæ, sem þið ættuð auðvitað að heimsækja… sem fyrst.
Ljósmyndir & texti : Páll Stefánsson
Akureyri : 08/02/2026 – GFX 100 RF, GFX 100 II – 4.0/35mm, 1.7/55mm
