Framkvæmdur er að ljúka við 11 leiguíbúðir í Kjörgarði, þekktu verslunar- og skrifstofuhúsi við Laugaveg 59 sem hefur allt verið endurnýjað að undanförnu. Þriðju og fjórðu hæðinni hefur verið breytt úr skrifstofuhúsnæði í íbúðir og jafnframt var fimmta hæðin byggð ofan á húsið.
„Alls eru 11 íbúðir á þessum þremur hæðum, frá 85 m2-146m2 með 2-4 herbergjum,“ segir Sæmundur H. Sæmundsson, húsasmíðameistari og framkvæmdastjóri Vesturgarðs ehf. sem stendur fyrir framkvæmdunum. Íbúðirnar verða leigðar í langtímaleigu, þær eru fullinnréttaðar og vel búnar. Mikið útsýni er á efri hæðunum og þaksvalir á efstu hæðinni með heitum pottum. Hverri íbúð fylgið eitt stæði í bílastæðahúsið Reykjavíkurborgar í nálægð við húsið.
Kjörgarður er sennilega elsta verslunarmiðstöðin í Reykjavík. Það var opnuð árið 1959, fyrir tæplega sextíu árum.
Sæmundur H. Sæmundsson framkvæmdastjóri Vesturgarðs. Kjörgarður er í eigu Valfells fjölskyldunnar sem byggði húsið á sínum tíma ásamt Kristjáni Friðrikssyni og sér félagið Vesturgarður um rekstur hússins.
Framkvæmdir hófust í lok ágúst 2016.
