Skipið Íslendingur sem silgdi til vesturheims, árið 2000, þúsund árum á eftir Leifi heppna

Njarðvík nafli alheimsins ?

Það er til of mikils mælst að kalla Njarðvík nafla alheimsins, en Innri-Njarðvík sem Icelandic Times / Land & Saga heimsótti fær líklega fleiri ferðamenn en nokkurt annað byggðarlag á Íslandi. Það er syndrey að flestir stoppa ekkert, keyra bara beint áfram eftir Keflavíkurveginum til Reykjavíkur. Njarðvík er hluti af Reykjanesbæ, fjórða stærsta bæjarfélagi landsins, en flestir ferðalangar halda áfram frá alþjóðaflugvellinum í Keflavík, að Gullfossi, Skógafossi, Dettifossi eða austur í Dyrhóley. Já og til Reykjavíkur, þar sem Hallgrímskirkja, Listasafn Íslands, og fjölbreytt flóra veitingastaða draga ferðafólk til sín. Ytri og Innri-Njarðvík ásamt Keflavík mynda Reykjanesbæ, eftir að bæirnir sameinuðust fyrir akkúrat þrjátíu árum síðan. Þarna er og var vagga dagurlagatónlistar, körfubolta og með Keflavíkurflugvöll í túnfætinum, þar sem nær allir ferðamenn sem koma til landsins, snerta fyrst fæti á íslenska storð. Eftir lang flug er gott að hvíla lúin bein og njóta, þó það sé ekki nema augnablik í Innri-Njarðvík.