Fjallmyndarleg fjöll

Fyrir nokkrum árum, var gerð skoðanakönnun meðal íslendinga, hvaða fjall, væri fjall fjallanna, fallegasta fjallið. Herðubreið vann, sem kemur ekki á óvart. Formfagurt fjall sem rís upp úr hálendinu norðan Vatnajökuls. Esjan okkar Reykvíkinga, skoraði líka hátt, eins og Snæfellsjökull og Öræfajökull. Það er urmull fallegra fjalla á Íslandi, eins og Búlandstindur við Djúpavog, Ernir við Ísafjörð/Skutulsfjörð, eða Kaldbakur við Eyjafjörð. Ekki má gleyma Rauðanúpi norður á Melrakkasléttu eða Hornbjargi vestur og norður á Hornströndum, eða Sveinstindi við Langasjó. Þar, á góðum degi er eitt fallegasta útsýni af fjallstoppi á Íslandi.  Hér koma fimm fjöll sem undirritaður hefur miklar mætur á, allt fjöll sem vert er að heimsækja, enda einstök, á sinn hátt. Síðan ein mynd af Herðubreið, drottningu fjallanna.