Hin Húsavíkin
Húsavík er stærsta víkin á Víknaslóðum, milli Borgarfjarðar Eystri og Loðmundarfjarðar. Þorsteinn Kleggi nam þar land, og segir sagan að Húsvíkingar séu frá honum komnir, áður en byggðin fór í eyði rétt fyrir seinni heimsstyrjöldina. Rétt áður, árið 1937 reistu Húsvíkingar fallega litla kirkju í víkinni. Í Húsavík þótti gott að búa fyrr á öldum, með sína fjóra sveitabæi, alla með gott útræði og fjörubeit. En víkin, eins falleg og hún er, þá væri næsta vonlaust að halda uppi nútíma samgöngum þangað. Í dag er það mest gönguhópar sem koma þangað að sumarlagi, að skoða Víknaslóðir, eina mestu perlu í íslenskri nátturu. Margrét ríka, sem átti Húsavík á 16. öld, kallaði Húsavík, víkina ljótu og feitu. Sú nafngift er rangnefni, því Húsavík er falleg, meira að segja mjög, með einstök fjöll sem umlykja þessa einstöku vík, Húsavík.
Húsavík 09/08/2020 – RX1R II – 2.0/35mm Z
