• Íslenska

Myndheimur íslenskra póstkorta

Laugardaginn 28. maí kl. 15 verður sýningin „Með kveðju“ opnuð í Myndasal Þjóðminjasafnsins. Á sýningunni eru póstkort úr safneign frá árinu 1898 og allt til dagsins í dag. Kortin eru áhugaverður vitnisburður um fólk, fréttir og tíðaranda. Sýningunni er ætlað að veita yfirlit yfir myndefni á íslenskum póstkortum og opna augu gesta fyrir margbreytileika þeirra og menningarsögulegu hlutverki. 

icelandic times tjodminjasafnidÁ sýningunni gefst gestum færi á að senda póstkort til vina og vandamanna, en Pósturinn greiðir póstburðargjaldið. 

Bréfspjald, spjaldbréf, póstkort eða einfaldlega kort voru meðal þeirra heita sem notuð voru yfir einfalt pappaspjald (140 x 89 mm á stærð) þegar þetta alþjóðlega fyrirbæri var að nema land á Íslandi. Póstkortið fylgdi jarðarbúum alla 20. öldina og fljótlega varð mynd allsráðandi á annarri hlið þess. Sýningunni er ætlað að veita innsýn í myndheim íslenska póstkortsins með völdum dæmum eða syrpum frá tilteknum útgefendum, ljósmyndurum eða teiknurum en líka af einstökum efnisflokkum. Það er fjölbreyttur og áhugaverður heimur að kynnast. Eftirtektarvert er að ólíkt því sem ætla mætti er póstkortið enn vettvangur alls kyns sköpunar og skilaboða. icelandic times tjodminjasafnid icelandic

 
Áætla má að útgefnar tegundir póstkorta á Íslandi séu yfir 20 þúsund. Póstkortasöfnun hófst í Þjóðminjasafni Íslands fljótlega eftir aldamótin 1900 og síðar áskotnuðust safninu tvö póstkortasöfn úr einkaeigu. Æ síðan hefur söfnunin staðið jafnt og þétt yfir og nú eru  um 17.000 póstkort í safninu. Sum þeirra eru reyndar til í nokkrum eintökum þannig að rauntalan er nokkru lægri. Af þessum kortum eru um 1.000 á þessari sýningu, sem spannar sögu póstkorta með íslensku myndefni fram á okkar daga. Vitað er um nokkur einkapóstkortasöfn sem eru stærri en söfn Þjóðminjasafnsins. 
 
Eitt af því sem kemur á óvart þegar skyggnst er í sögu póstkortsins er hversu upplag einstakra korta var stórt. Fyrsta prentun árið 1901 hjá Carl Proppé var 14 þúsund kort. Þegar fríkort voru að ryðja sér til rúms árið 1997 tók fólk um 95 þúsund kort úr stöndum útgefandans Nætur og dags á þremur vikum. 
 
Sýning á póstkortum úr safneign Þjóðminjasafnsins frá árinu 1900 til dagsins í dag. Kortin eru áhugaverður vitnisburður um fólk, fréttir og tíðaranda.
Exhibition on postcards from the collection of the National Museum. The cards are from 1900 to present times and are all made in Iceland.
When the international phenomenon of the postcard – a simple piece of carton measuring 140 x 89 mm – arrived in Iceland in 1898 it took a few years for it to gain a position in the agricultural society of the time. The postcard became a part of life throughout the 20 th century and is still alive in spite of e-mails, text messages and other social media. The exhibition With regards aims to provide an overview of the themes and subjects of Icelandic postcards, and to open visitors’ eyes to their diversity and their place in cultural history from 1898 until present day.