Reykjavíkurhöfn var vagga flugs á Íslandi. Fyrstu flugvélarnar sem komu fljúgandi yfir hafið til Íslands árið 1924 voru í svokölluðu hnattflugi. Þær lentu í höfninni og voru dregnar upp Steinbryggjuna og lagt upp á planið (Ellingsensplanið) þar fyrir ofan. Flugfélag Íslands, annað í röðinni var stofnað 1928 og gerði út sjóflugvélar (Súlan, Veiðibjallan og Álftin) frá Reykjavíkurhöfn og var þá Steinbryggjan og Zimsensbryggjan ásamt húsinu Hafnarstræti 15 eins konar flugstöð Íslands. Dráttarbraut fyrir flugvélar var gerð innan hafnar við Örfirisey. Ýmsir erlendir flugkappar sem lögðu leið sína til Íslands á kreppuárunum lentu einnig í Reykjavíkurhöfn.
![](https://i0.wp.com/icelandictimes.com/cdn-cgi/image/width=1170,height=759,/wp-content/uploads/2023/08/MAO-1120-scaled.jpg?resize=1170%2C759&ssl=1)
Heimildir: Faxaflóahafnir SF og Ljósmyndasafn Reykjavíkur