Gunnhildur Þórðardóttir

Á sýningunni Brot með verkum eftir Gunnhildi Þórðardóttur eru glæný verk bæði tví – og þrívíð verk sem fjalla um brot bæði sem líkamlegt fyrirbæri en einnig sem myndræn túlkun. Þannig geta verkin verið brot úr degi eða tíma og rúmi, brot úr náttúrunni, brot úr mynstri á dúk eða viskastykki, jafnvel brot af fjalli, fossi eða minningu og brot úr ljóði osfrv. Listaverk Gunnhildar fjalla oft um heimspekileg fyrirbæri en í listaverkum sínum túlkar hún vangaveltur sínar um lífið og tilveruna auk þess sem hringrásarhagkerfið hefur alltaf verið ofarlega á baugi í hennar verkum enda mikill umhverfissinni. Öll verkin á sýningunni eru einnig gerð úr brotum eða afskurði úr hinum ýmsa efniviði t.d. timbri eða úr hlutum sem fá nýtt hlutverk s.s. gömul húsgögn, geymslukassar, gardínur eða listaverk.
Gunnhildur Þórðardóttir er með MA í liststjórnun, tvílhliða BA nám í sagnfræði (listasögu) og fagurlistum frá Listaháskólanum í Cambridge UK og viðbótardiplóma í listkennslu bæði fyrir grunn – og framhaldsskóla frá Listaháskóla Íslands. Hún hefur starfað við kennslu síðan 2014 og starfað í rúm tíu ár fyrir listasöfn bæði á höfuðborgarsvæðinu og í Reykjanesbæ sem sérfræðingur eða verkefnastjóri safnkennslu og upplýsingamála. Hún hefur unnið mörg trúnaðarstöf fyrir myndlistarmenn og setið í stjórn ýmissa nefnda fyrir myndlistamenn og sem sérfræðingur á myndlistasviði bæði sem sýningarstjóri og verkefnastjóri gestavinnustofu Sambands íslenskra myndlistarmanna, verkefnastjóri hjá Listskreytingasjóði ríkisins, verkefnastjóri verkefnisins Dagur myndlistar. Hún hefur verið virkur myndlistamaður í tuttugu ár og sýnt víða bæði á Íslandi og erlendis. Hún hefur einnig gefið út ljóðabækur og samið námsefni og verið með sjálfstæð myndlista – og skáldaverkefni auk þess að reka Myndlistaskóla Reykjaness. Hún hefur hlotið marga styrki m.a. Mugg, Menningarstyrk Sambands sveitarfélaga á Suðurnesjum, Reykjanesbæjar og Hafnarfjarðar.
 

Strandgata 19 220 Hafnarfjörður

litlagallery.is



CATEGORIES


NEARBY SERVICES

  • Best of Iceland

    Best of Iceland
  • Related Articles

      Bragi Ásgeirsson 1931- 2016

      Bragi Ásgeirsson 1931- 2016

      Bragi Ásgeirsson (fæddur 28.maí 1931, dáinn 25. mars 2016) var grafíklistamaður, listmálari og myndlistakennari. Þar að ...

      Þorsteinn Eggertsson

      Þorsteinn Eggertsson

      Þorsteinn Eggertsson (f. 25. febrúar 1942) er myndlistarmaður, söngvari og textahöfundur. Merk ártöl í lífi Þorte...

      Sjómenn á báti – Gunnlaugur Scheving

      Sjómenn á báti – Gunnlaugur Scheving

      Myndina Sjómenn á báti málaði Gunnlaugur Scheving árið 1947. Gunnlaugur Óskar Scheving 1904 – 1972.  Sjómenn á báti, 19...

      Eiki Einars tónskáld og lagasmiður

      Eiki Einars tónskáld og lagasmiður

      Ég er með hugmynd! Eiríkur Einarsson hefur orðið Fyrsta platan, Ég er með hugmynd! kom út sumarið 2009. Þannig var að ...