Fimmtudag 5. apríl kl. 20.00 í Hafnarhúsi
Listasafn Reykjavíkur býður upp á létta leiðsögn um valdar sýningar í Hafnarhúsinu fyrir gesti sem vilja forvitnast um hvað er í gangi í samtímalist. Markhópurinn eru fróðleiksfúsir byrjendur á öllum aldri.
Sagt verður stuttlega frá sögu Listasafns Reykjavíkur og hlutverki þess, sérstöðu Hafnarhúss sem miðstöðvar samtímamyndlistar og einstakri hönnun hússins.
Loks skoðum við saman nokkur verk á sýningum og veltum því fyrir okkur hvað listamennirnir eru að pæla.
Boðið er upp á kvöldkaffi, afslappað spjall og rölt um sýningarsali með sérfræðingi á vegum safnsins.
Tilvalið sem hluti af kvöldstund með hópi vina eða samstarfsfélaga.
Allt sem þú vildir vita um samtímalist en þorðir ekki að spyrja!
