Lóa Björk hefur haldið um 15 einkasýningar og tekið þátt í fjölda samsýninga og ýmsri menningarstarfsemi hér á landi og víðs vegar um heiminn síðast liðin ár. Hún lauk mastersnámi í myndlist úr listaháskólanum „École Supérieure des Beaux Arts“ í Frakklandi og lærði kvikmyndagerð í Paul Valéry háskóla í Montpellier. Hún kennir listgreinar auk þess að vera kennslustjóri Listnámsbrautar ME og vinnur að eigin myndlistarsköpun samhliða á vinnustofu sinni, Réttinni í Sláturhúsinu á Egilsstöðum. Hún var valin bæjarlistamaður Fljótsdalshéraðs 2008 og hlaut nýverið viðurkenningu Menningarráðs a fyrir þátttöku í 10 ára menningarsamstarfi milli Austurlands, N-Írlands og Vesterålen í Norður Noregi þar sem hún hefur verið gestalistamaður. Hún situr nú í stjórn SAM-félagsins, grasrótarsamtökum um skapandi greinar á Austurlandi.
Náttúruöflin eru ein helsta uppspretta hugmynda í verkum Lóu. Hin sífellda hreyfing og umbreyting sem á sér stað í náttúrunni eru þeir meginþættir sem liggja til grundvallar verka hennar. Hún hefur unnið með ólíka miðla í myndlist sinni til þessa en þó aðallega með málverkið, oftast á óhlutbundinn hátt með blandaðri tækni á pappír eða striga
Listakonan Ólöf Björg Bragadóttir, betur þekkt sem Lóa, er fulltrúi Íslendinga á alþjóðlegri myndlistarsýningu sem nú stendur yfir í Marseille í Frakklandi. sjá nánar hér
