Eldgos við Skjaldbreið?
Frá eldfjallinu / dyngjunni Skjaldbreið eru aðeins um tuttugu kílómetrar til Þingvalla í suður, og rúmir 15 að Laugarvatni. Á síðustu dögum hefur verið mikil jarðskjálftahrina í eldfjallinu, en á síðustu 30 dögum hafa verið um 800 skjálftar í og við fjallið. Sami fjöldi og hefur mælst samtals á síðustu 15 árum. En þegar dyngjan, fjallið varð til í löngu gosi fyrir 9000 árum, myndaði gosið þá umgjörð sem við þekkjum á Þingvöllum í dag. Hraunið á Þingvöllum kom sem sagt úr Skjaldbreið. Er Ísland að fara í nýtt eldgosatímabil, engin veit. En dyngjugos, eins og þegar Skjaldbreið var til eru fágæt, og standa í langan tíma, því hraunið sem myndar þetta rúmlega þúsund metra háa fjall, varði í tæp eitt hundrað ár.
Toppurinn á Skjaldbreið, Langjökull í norðri í bakgrunni
Gígurinn á Skjaldbreið
Skjaldbreið frá Þingvöllum
Skjaldbreið frá Kaldadal
Kort frá Veðurstofunni sem synir skjálftavirkni í dag, alla á toppi eldfjallsins
Ljósmyndir & text : Páll Stefánsson
